香港健康網絡 更健康 > >

解開腸胃不適之謎

Posted : 2015-03-20 | 腸胃消化 編輯文章
分享
辛苦揾嚟自在食,但如果食完反而令你更辛苦,人生還哪有樂趣可言?!想你的腸胃「出入平安」、「路路暢通」?全部你想知的腸胃問題、保健方法,我們為你向專家問到篤!
腸胃及肝臟科專科醫生
 
026 有帶菌但又冇病發,咁會點?
幽門螺旋菌可以潛伏在帶菌者身上數十年也沒有病發,期間可以沒病沒痛。
 
027 點解會病發?有冇誘引可以避吓?
與很多腸胃病一樣,病發成因目前仍然不明。
 
028 依種菌點樣感染到?
估計是進食了帶有該細菌的食物或飲品。
 
029 咁同帶菌者一齊食飯會唔會比佢傳染?
有可能的,所以最好用公筷,但其他一般接觸應是安全的。
 
030 除咗照胃鏡仲有冇方法check幽門螺旋菌?
可以做碳十三採氣測試,不會痛又準確;而驗大便都是不痛又準確,但就比較麻煩,至於抽血都可以檢查,但就會有少許痛而且準確度較低。
 
031 Check到有咁點算,有冇得醫?
只要吃三種藥,包括兩種抗生素,治療一至兩周,約九成半機會可以殺死幽門螺旋菌。
 
032 醫完之後會唔會復發?
仍有很低的機會再被傳染,每年復發機會約百份之一。
 
033 上吐下瀉係咪即係急性腸胃炎?
急性腸胃炎可以令人肚痾、嘔吐、肚痛、胃痛、發燒、發冷,有機會只出現一種病徵。
 
034 係咪食錯嘢就會有急性腸胃炎?
急性腸胃炎主要是吃了受細菌或病毒感染的食物或食水,所以不是「吃錯」,而是吃了有菌有毒的食物。
 
035 點知係咪有急性腸胃炎?
可以化驗病人糞便中有沒有致病細菌或病毒,但要等待化驗結果,而通常等到有結果時病徵已過,所以一般不會特別去驗。
 
036 點先會好返?
記得定時服藥,但其實藥物只能作支援性治療,痊癒主要靠自身免疫系統殺死體內致病細菌,以及從排泄物排走細菌。
 
037 痾嘔得好辛苦,有冇辦法舒服啲?
醫生會處方藥物作紓緩肚痾、嘔吐、肚痛、胃痛、發燒等病徵,要多喝水以免經常嘔吐及肚瀉以至脫水,也可以喝電解質飲品作補充,改吃清淡食物例如白粥,記得經常徹底地洗手。
 
038 係咪煮熟啲食物就可以避免急性腸胃炎?
預防有很多方法,煮熟食物是其中一項,不過有時若細菌病毒已在食物上釋放有毒物質,即使煮熟食物可殺死細菌病毒都難以去除有毒物質。
 
040 想預防急性腸胃炎可以點做?
常常洗手,煮食用具及餐具要保持清潔,以及適當地儲存食物。
 
041 有時肚痛想大便,痾完之後就冇事,點解?
可能是腸易激綜合症。此症通常於病發前會肚痛感到想大便,然後上廁所解決後肚痛便會消失。
 
042 腸易激綜合症仲有咩病徵?
有三類病人,一是經常會肚瀉,糞便呈水狀或爛的狀態;二是便秘,糞便硬;三是又肚瀉又便秘,即例如肚瀉三日,但之後會便秘三日。
 
043 點樣Check到有冇腸易激綜合症?
沒有一種化驗可以確診,要靠醫生的臨床診症,主要靠先排除腸臟結構問題或其他疾病,例如有冇小腸問題、大腸癌、甲狀腺分泌增多、糖尿病、克隆氏病等,如果沒有結構性問題而又反覆出現病徵,就有可能是患有腸易激綜合症。
 
044 依隻病好似唔係好大件事,有冇得醫?
目前並沒有根治方法,不會斷尾,而藥物則可以紓緩病徵所帶來的不適。
 
045 點解有時胃痛,放屁同去大便之後會冇咁痛?
可能你以為胃痛,但其實是腸痛。因為部份腸道其實位於胃部前面,所以有機會令人誤以為是胃痛。
 
046 便秘係咪等於冇大便?
不止這樣,難排便、大便乾硬、覺得排不清糞便、排便次數比以往少都算是便秘。
 
047 除咗食唔夠纖維,仲有咩原因會便秘?
少喝水、正在用某些藥物例如鐵丸、栢金遜症藥、嗎啡等。除此之外,如果甲狀線分泌減少、鈣含量高、腸道蠕動慢、患有腸癌致腸道有阻塞等都可引致便秘。
 
048 邊啲人會易啲便秘?
女性及年紀大會有較多人受便秘困擾。
 
049 有便秘係咪食瀉藥就搞掂?
如果經常服用瀉藥會令腸道造成依賴,而且便秘有可能是腸癌的病徵,不應忽視。
 
050 如果唔係有其他病,點做可以少啲便秘?
多喝水、多吃蔬果、多做運動、有便意就盡快上廁所。
 

©保留所有版權,請勿轉載

要第一時間收到最新健康資訊,馬上成為我們的Fans Facebook

      請立即 click 
更健康 香港健康網絡 YouTube Channel  更健康 香港健康網絡 Facebook  
香港健康網絡 Healthlink.hk

FACEBOOK好友動向